Dende a nosa organización conservacionista pensamos que a modificación das NNSS na zona de A Portela - O Redollo é a única forma de garantir que se preserven os postos de traballo e a renda dos traballadores, prexudicados principais da desidia das Administracións Públicas. Pero entendemos que calquera modificación puntual das NNSS para legalizar e ampliar as actividades empresariais - industriais debe basearse:
- Nun proceso de avaliación ambiental serio, realista, conforme á lexislación e comprometido coa veracidade dos datos científicos recollidos no informe de sustentabilidade ambiental (ISA).
- Identificación e valoración veraz da biodiversidade presente no ámbito e zonas de influencia.
- Identificación e valoración adecuada dos impactos ambientais negativos da modificación puntual das NNSS para o ámbito.
- Na aplicación de medidas preventivas, correctoras e compensatorias.
- No compromiso do promotor de acatar os resultados do proceso de avaliación ambiental estratéxica (AAE). Por este motivo informamos dos erros, omisións e manipulacións no ISA. E plantexamos a introdución de modificacións esenciais para acadar o desenvolvemento sustentable da zona de O Redollo - A Portela.
A continuación adxuntamos o documento de alegacións elaborado polos membros da nosa organización conservacionista (lembrar que este documento pódese descargar premendo na pestaña "download"):
No hay comentarios:
Publicar un comentario